Tuesday, October 23, 2007
അറ്റകുറ്റപ്പണി: കര്ശന നടപടിയെന്ന് മന്ത്രി
(Source: yahoo.malayalam)
ഇന്ഫോസിസിന് 18 ശതമാനം ലാഭവര്ധന
ആസ്ത്മയും ഭക്ഷണവും
കോളിഫ്ലവര് ചില്ലിക്കറി
കോളിഫ്ലവര് 2 കിലോ മുട്ട 4 എണ്ണം കുരുമുളകുപൊടി 2സ്പൂണ് മൈദ 100 ഗ്രാം ഉപ്പ് പാകത്തിന് റെഡ് ചില്ലി കളര് 5 തുള്ളി സവാള അര കിലോപച്ചമുളക് 15 എണ്ണം വെള്ളുത്തുള്ളി 5 അല്ലി ടൊമാറ്റൊ സോസ് 6 സ്പൂണ് എണ്ണ 600 ഗ്രാം
പാകം ചെയ്യേണ്ട വിധം
ഒരു പാത്രത്തില് മുട്ട പൊട്ടിച്ച് ഒഴിച്ച് ഉപ്പും കുരുമുളകും ചേര്ത്ത് അടിച്ച് പതയ്ക്കുക. കോണ്ഫ്ലവര് അരിഞ്ഞ് അതില് തട്ടി കുഴയ്ക്കുക. കുഴമ്പു പരുവത്തിലാകുമ്പോള് മാവ് ഇലകളില് തേച്ചുപിടിപ്പിയ്ക്കണം. അതിനുശേഷം ചീനച്ചട്ടിയില് കുറച്ച് എണ്ണ ഒഴിച്ച് കോളിഫ്ലവര് ഇട്ട് ചുവപ്പിച്ച് വറുത്തുകോരുക. സവാളയും വെള്ളുത്തുള്ളിയും പച്ചമുളകും ചെറുതായി അരിഞ്ഞ് ചീനച്ചട്ടിയില് എണ്ണ ഒഴിച്ച് വഴറ്റുക. നല്ലവണ്ണം ചുവന്നുവരുമ്പോള് കളര് ഒഴിച്ച് ഇളക്കിയ ശേഷം വറുത്തുവച്ചിരിക്കുന്ന കോണ്ഫ്ലവര് ഇട്ട് ഇളക്കുക. അതില് റ്റൊമാറ്റൊ സോസും ഉപ്പും ചേര്ത്തിളക്കി അല്പസമയം കഴിഞ്ഞ് വാങ്ങിവച്ച് ചൂടോടെ ഉപയോഗിക്കം.
ഓണ്ലൈന് മരുന്നുകള്
ഓണ്ലൈന് മനശാസ്ത്രകേന്ദ്രങ്ങള് പോയ ദശകത്തില് വന് കുതിപ്പാണ് നടത്തിയതെന്ന് കണക്കുകള് സൂചിപ്പിക്കുന്നു. ഈ രംഗത്തെ നെല്ലും പതിരും തിരിക്കാനാകാതെ കുഴങ്ങുകയാണ് ലോക മനശാസ്ത്രസമൂഹം. ഇ-തെറാപ്പി എന്ന് വിളിപ്പേരുള്ള ഓണ്ലൈന് കൗണ്സിലിങ്ങ് കേന്ദ്രങ്ങള് നെറ്റില് പ്രത്യേക്ഷപ്പെട്ടത് തൊണ്ണൂറുകളിലായിരുന്നു. 1995ല് 12 ഇ-തെറാപ്പി കേന്ദ്രങ്ങള് മാത്രമായിരുന്നു ഉണ്ടായിരുന്നത്.
2001 ആയപ്പോഴേക്കും ഇ-തെറാപ്പികേന്ദ്രങ്ങളുടെ എണ്ണം മൂന്നൂറിലേറെയായി. നിലവിലുളള അവസ്ഥ കണക്കെടുക്കാനാകാതെ കുഴങ്ങുകയാണ് മനശാസ്ത്രഞ്ജ സമൂഹമെന്ന് പ്രമുഖ മനശാസ്ത്രജ്ഞന്മാരുടെ കൂട്ടായ്മായ മെറ്റാനോയിയയുടെ വെബ്സൈറ്റ് പറയുന്നു.
അഞ്ഞൂറോളം ഇ-തെറാപ്പിസ്റ്റുകള് ജോലിയെടുക്കുന്ന മുഴുവന് സമയം ഇ-ക്ലിനിക്കുകള് മൂന്നെണ്ണെമാണ് ഇപ്പോഴുള്ളത്. രോഗികളുമായി മുഖാമുഖം കൂടികാഴ്ച നടത്താതെ രോഗത്തെ കുറിച്ച് അവര് എഴുതി അറിയിക്കുന്നത് കൊണ്ട് മാത്രം രോഗം നിര്ണയം നടത്തി ചികിത്സ വിധിക്കുന്നതിലെ ആധികാരികത ചോദ്യം ചെയ്യപ്പെടുമ്പോഴും ഈ രംഗത്ത് പുതിയ കേന്ദ്രങ്ങള് വര്ദ്ധിക്കുകയാണ്.
സ്വാകര്യനൊമ്പരങ്ങള് രഹസ്യമായി മറ്റൊരാളോട് തുറന്ന് പറയാന് നെറ്റ് അവസരമുണ്ടാക്കുന്നു എന്നത് തന്നെയാണ് ഇ-കൗണ്സിലിങ്ങുകള് വ്യാപകമാകാന് കാരണം.പുറത്തു പറയാന് കഴിയാത്ത ബന്ധങ്ങള് മൂലം കുഴങ്ങുന്നവരെ രക്ഷിക്കാനാണ് ഈ രംഗത്ത് മനശാസ്ത്രജ്ഞന്മാര് എറെ ശ്രമിക്കുന്നതും.
വിവാഹേതരബന്ധങ്ങളില് എര്പ്പെടുന്നവരെ മാനസികമായി തുണക്കാന് അടുത്തിടെ രൂപം കൊണ്ട വെബ്സൈറ്റില് ഇപ്പോള് വന് തിരക്കാണെന്നാണ് റിപ്പോര്ട്ട്. ഭര്ത്താവ് അറിയാതെ കാമുകനുമായും ഭാര്യ അറിയാതെ കാമുകിയുമായും സ്വൈര്യ ജീവിതം നയിക്കാനുള്ള തന്ത്രങ്ങളാണ് മിക്ക ഉപഭോക്താക്കള്ക്കും വേണ്ടത്. ‘കഥാര്സിസ് ഓണ്ലൈന് ഡോട്ട് നെറ്റ്’എന്ന സൈറ്റിലൂടെയാണ് അഗമ്യഗമനത്തില് പെട്ടവര്ക്ക് കൗണ്സിലിങ്ങ് ലഭിക്കുന്നത്.
ബോബി ജിണ്ടാല് ലൂസിയാന ഗവര്ണര്
ലൂസിയാനയിലെ തെരഞ്ഞെടുപ്പില് 54 ശതമാനം വോട്ടു നേടിയാണ് ജിണ്ടാല് വിജയിച്ചത്. അദ്ദേഹത്തിന്റെ തൊട്ടടുത്ത എതിരാളി ഡമോക്രാറ്റിക്ക് പാര്ട്ടിയുടെ വാള്ട്ടര് ബോസ്സോയ്ക്ക് 18 ശതമാനം വോട്ട് ലഭിച്ചു. ഡമോക്രാറ്റിന്റെ നേതൃത്വത്തില് 2003 ല് തന്നെ പരാജയപ്പെടുത്തി അധികാരമേറ്റ ഗവര്ണര് കാതലീന് ബ്ലാങ്കോയ്ക്ക് പകരമായി ഇനി ജിണ്ടാല് സ്ഥാനമേല്ക്കും.
2005ല് കത്രീന കൊടുങ്കാറ്റിനെ തുടര്ന്നുള്ള ദുരിതാശ്വാസവുമായി ബന്ധപ്പെട്ട് ഒട്ടേറെ വിമര്ശനങ്ങള് നേരിട്ട കാത്ലീന് രണ്ടാമത് തെരഞ്ഞെടുക്കപ്പെട്ടില്ല. 2003 ല് ബ്ലാങ്കോ ജിണ്ടാലിനെ പരാജയപ്പെടുത്തിയിരുന്നു. ഓക്സ്ഫോര്ഡ് സര്വകലാശാലയില് നിന്നുള്ള ബിരുദധാരിയാണ് ഇദ്ദേഹം 1870 നു ശേഷം ലൂസിയാനയില് ഗവര്ണറാകുന്ന വെള്ളക്കാരനല്ലാത്ത ആദ്യയാളാന് ജിണ്ടാല്.
ജിണ്ടാലിന്റെ പിതാവും മാതാവും ഇന്ത്യയില് നിന്നും അമേരിക്കയിലെക്ക് കുടിയേറിയാളാണ്. ജിണ്ടാലിന്റെ ആദ്യ പേര് പീയൂഷ് എന്നായിരുന്നു. അഴിമതി നിര്ത്തലാക്കുമെന്നും നികുതി കുറയ്ക്കുമെന്നും വിദ്യാഭ്യാസത്തെ പ്രോത്സഹിപ്പിക്കുന്ന പദ്ധതികള് കൊണ്ടുവരും എന്നിവയായിരുന്നു ആദ്ദേഹത്തിന്റെ പ്രധാന വാഗ്ദാനങ്ങള്.
ബ്രിട്നി സ്പീയേഴ്സ് തന്നെ താരം
മൂന്നാം മുന്നണി പുനരുജ്ജീവിപ്പിക്കാന് നീക്കം
ആണവകരാര് പ്രശ്നത്തില് ഇടതു നയങ്ങളെ പിന്തുണച്ചിരുന്ന യു പി എ ഘടക കക്ഷികളായ എന് സി പിയും ആര് ജെ ഡിയും മലക്കം മറിഞ്ഞ സാഹചര്യത്തിലാണ് പുതിയ നീക്കം. യു എന് പി എ എന്ന പേരില് ഇപ്പോള് അറിയപ്പെടുന്ന പഴയ മൂന്നാം മുന്നണിയിലെ പ്രമുഖ നേതാക്കളുമായി വരും നാളുകളില് സി പി എം നേതൃത്വം കൂടുതല് ചര്ച്ച നടത്തുമെന്നാണ് സൂചന.
(Source: Yahoo.Malayalam)
Thursday, August 9, 2007
Tuesday, June 19, 2007
പുതിയ ടെര്മിനല് ഡിസംബറില്: വിഎസ്
തിരുവനന്തപുരം അന്താരാഷ്ട്രാ വിമാനത്താവളത്തിലെ പുതിയ ടെര്മിനലിന്റെ പണി അടുത്തവര്ഷം ഡിസംബറോടെ പൂര്ത്തിയാകുമെന്ന് മുഖ്യമന്ത്രി വി എസ് അച്യുതാനന്ദന് നിയമസഭയില് അറിയിച്ചു. പുതിയ ടെര്മിനലിന്റെ ബോര്ഡിംഗ്, ഡിപ്പാര്ച്ചര് ഭാഗങ്ങളില് ഒരേസമയം 500 വീതം യാത്രക്കാരെ ഉള്ക്കൊള്ളാനുള്ള ശേഷിയാണുള്ളത്. കൂടാതെ എട്ട് ഫ്ലൈറ്റുകള്ക്ക് പാര്ക്കിംഗ് സൌകര്യമുണ്ട്.
എയര്ക്രാഫ്റ്റുകളുടെ അറ്റകുറ്റപ്പണി നടത്തുന്നതിനുള്ള നിര്ദ്ദിഷ്ട ഹാങ്കര് യൂണിറ്റിനുള്ള സ്ഥലം ബന്ധപ്പെട്ട അധികൃതര്ക്ക് ഉടന് കൈമാറുമെന്നും മുഖ്യമന്ത്രി പറഞ്ഞു. കണ്ണൂര് വിമാനത്താവള പദ്ധതിക്ക് കേന്ദ്ര സര്ക്കാര് അനുമതി നല്കുമെന്നാണ് പ്രതീക്ഷയെന്നും അദ്ദേഹം പറഞ്ഞു. പദ്ധതിക്കായി 2000 ഏക്കര് ഭൂമി ത്വരിതഗതിയില് ഏറ്റെടുക്കുന്നതിന് തിരുമാനമെടുത്തു കഴിഞ്ഞു. എയര്പോര്ട്ടിനോട് ചേര്ന്നുള്ള 10 ഏക്കര് സ്ഥലം നേവല് കേന്ദ്രം സ്ഥാപിക്കുന്നതിന് പ്രതിരോധ വകുപ്പിന് പാട്ടത്തിന് നല്കുമെന്നും വി എസ് പറഞ്ഞു.
(Source:yahoo.malayalam)
സേതു സമുദ്രം: മണ്ണെടുപ്പ് 2008ല് പൂര്ത്തിയാകും
സേതുസമുദ്രം പദ്ധതിയോട് അനുബന്ധിച്ചുള്ള കപ്പല്ച്ചാല് നിര്മ്മാണത്തിന് വേണ്ടിയുള്ള മണ്ണെടുപ്പ് 2008 ഡിസംബറോടെ പൂര്ത്തീകരിക്കാനാവുമെന്ന് കേന്ദ്ര കപ്പല് ഗതാഗത മന്ത്രി ടി ആര് ബാലു പറഞ്ഞു.
യുഎന് അംഗത്വം: ഇന്ത്യയ്ക്ക് ബ്രിട്ടന്റെ പിന്തുണ
ഐക്യരാഷ്ട്ര സഭ സുരക്ഷാ കൌണ്സിലില് സ്ഥിരാംഗത്വം ലഭിക്കാനുള്ള ഇന്ത്യയുടെ ശ്രമങ്ങള്ക്ക് ബ്രിട്ടന് പരിപൂര്ണ പിന്തുണ വാഗ്ദാനം ചെയ്തു. ഇരുപത്തിയൊന്നാം നൂറ്റാണ്ടില് ഇന്ത്യക്ക് ക്രിയാത്മക കടമ നിര്വഹിക്കാനുണ്ടെന്നും ഐക്യരാഷ്ട്ര സഭയില് സ്ഥിരാംഗത്വം വേണമെന്ന ഇന്ത്യയുടെ ആവശ്യം പ്രാധാന്യമര്ഹിക്കുന്ന കാര്യമാണെന്നും വിദേശകാര്യ സഹമന്ത്രി കിം ഹോവല്സ് വ്യക്തമാക്കി.
സിനിമാ നിര്മാണം സ്തംഭിച്ചു
നിര്മാതാക്കളും സാങ്കേതിക വിദഗ്ധരും തമ്മിലുണ്ടായ ഭിന്നതകള് ശക്തമായതോടെ സംസ്ഥാനത്തെ സിനിമാ നിര്മാണ മേഖലയില് സതംഭനാവസ്ഥ. എട്ട് സിനിമകളുടെ നിര്മാണമാണ് ഇതേ തുടര്ന്ന് നിര്ത്തിവച്ചിട്ടുള്ളത്. അഞ്ച് സിനിമകളുടെ പോസ്റ്റ് പ്രൊഡക്ഷന് ജോലികളും നിര്ത്തിവച്ചിട്ടുണ്ട്. സാങ്കേതിക വിദഗ്ധരുടെ സംഘടനയായ മാക്ടയുടെ അധ്യക്ഷനായ സംവിധായകന് വിനയന് നടത്തിയ പരസ്യ പ്രസ്താവനയാണ് നിലവില് ഭിന്നത് രൂക്ഷമാക്കിയിരിക്കുന്നത്. പ്രതിസന്ധി പരിഹരിക്കാന് മാക്ടയുമായി നടത്താനിരുന്ന ചര്ച്ചയില് നിന്നും നിര്മാതാക്കളുടെ സംഘടന തിങ്കളാഴ്ച പിന്വാങ്ങിയിരുന്നു. ധാരണകള് കാറ്റില് പറത്തി വിനയന് പരസ്യ പ്രസ്താവന നടത്തി എന്നാരോപിച്ചായിരുന്നു ഈ പിന്മാറ്റം. പരസ്യ പ്രസ്താവന പിന്വലിച്ച് വിനയന് മാപ്പ് പറയണമെന്നാണ് നിര്മാതാക്കളുടെ സംഘടനയുടെ ഇപ്പോഴത്തെ ആവശ്യം.
ഷാജി കൈലാസിന്റെ അലിഭായ്, ജോഷിയുടെ നസ്രാണി, ലോഹിതദാസിന്റെ നിവേദ്യം, ഷാഫിയുടെ ചോക്ലേറ്റ്, സമദ് മങ്കടയുടെ കിച്ചാമണി എം ബി എ, വേണു നാഗവള്ളിയുടെ സുഹൃത്ത്, വിനു ആനന്ദിന്റെ ഹാര്ട്ട് ബീറ്റ്സ് തുടങ്ങിയ ചിത്രങ്ങളുടെ നിര്മ്മാണമാണ് നിര്ത്തിവച്ചിരിക്കുന്നത്.
(Source:yahoo.malayalam)
എക്കിള് ശല്യമാവുമ്പോള്
അമിതവണ്ണം കുറയ്ക്കാന്
Saturday, June 16, 2007
Tuesday, June 12, 2007
ഭാര്തിക്കും റിലയന്സിനും തിരിച്ചടി
മധ്യേഷ്യയിലെ ടെലികോം വിപണി സ്വന്തമാക്കാനായി ഭാര്തിയും റിലയന്സും ചേര്ന്ന് നടത്തിയ നീക്കം പാളി. സംവാത് ഭാര്തി - അല് റാജി റിലയന്സ് കണ്സോര്ഷ്യത്തെ പിന്തള്ളി കുവൈറ്റ് ടെലികോം കമ്പനി(എം ടി സി) സൌദി അറേബ്യയിലെ മൂന്നാമത്തെ മൊബൈല് ഫോണ് നെറ്റ്വര്ക്ക് ലൈസന്സ് സ്വന്തമാക്കിയതോടെയാണിത്. 22.91 ബില്യണ് സൌദി റിയാല് നല്കിയാണ് എം ടി സി ലൈസന്സ് സ്വന്തമാക്കിയത്. ഭാര്തി 17.25 ബില്യണും റിലയന്സ് 11.25 ബില്യണ് സൌദി റിയാലുമായിരുന്നു വാഗ്ദാനം ചെയ്തിരുന്നത്.
പനിമരണം വീണ്ടും; സൈന്യം സജീവം
പകര്ച്ചപ്പനി സംസ്ഥാനത്ത് മരണതാണ്ഡവം തുടരുകയാണ്. തിങ്കളാഴ്ച രണ്ടു പേര്കൂടി പനി മൂലം മരണമടഞ്ഞു. കൊല്ലത്തും പാലക്കാടുമാണ് മരണങ്ങള് സംഭവിച്ചത്. കഴിഞ്ഞ ദിവസം 16 പേര് മരിച്ചിരുന്നു. പനി ഏറ്റവും കൂടുതല് ബാധിച്ചിട്ടുള്ള പത്തനംതിട്ട, കോട്ടയം മേഖലകളില് പ്രതിരോധ പ്രവര്ത്തനങ്ങളുമായി സൈന്യം രംഗത്തുണ്ട്.കൊതുകുനിവാരണമാണ് സൈന്യം ആദ്യം ചെയ്യുന്നത്. ഇതിനായി ആധുനിക സംവിധാനങ്ങളാണ് ഉപയോഗിക്കുന്നത്. കരസേനയുടെയും നാവികസേനയുടെയും അംഗങ്ങള് സജീവമായി രംഗത്തുണ്ട്. കേന്ദ്ര ആരോഗ്യവകുപ്പിന്റെ ഒരു സംഘവും ചികിത്സാനടപടികളുമായി പനിബാധിത പ്രദേശങ്ങളില് എത്തിയിട്ടുണ്ട്.
സ്റ്റീവന് സ്പില്ബര്ഗും പീറ്റര് ജാക്സണും ഒന്നിക്കുന്നു
Wednesday, June 6, 2007
പരാതി പരിശോധിക്കാന് ഉപസമിതി
ബുധന്, 6 ജൂണ് 2007
മൂന്നാറിലെ കയ്യേറ്റങ്ങള് ഒഴിപ്പിക്കുന്നതുമായി ബന്ധപ്പെട്ട് സി പി ഐ ഉന്നയിച്ച പരാതികള് സംബന്ധിച്ച് പഠിക്കാന് ഉപസമിതിയെ നിയോഗിക്കാന് ഇടതുമുന്നണി തീരുമാനിച്ചു. തിരുവനന്തപുരത്ത് ചേര്ന്ന മുന്നണി നേതൃയോഗത്തിലാണ് ഈ തീരുമാനം ഉണ്ടായത്.
മൂന്നാറില് തങ്ങളുടെ ഓഫീസ് പൊളിച്ചതിനെ സി പി ഐ നേതാക്കള് നിശിതമായ ഭാഷയില് വിമര്ശിച്ചു. എന്നാല് നിയമ വിരുദ്ധമായ ഒരു നടപടിയും മൂന്നാറില് ഉണ്ടായിട്ടില്ലെന്ന നിലപാടില് മുഖ്യമന്ത്രി വി എസ് അച്യുതാനന്ദന് ഉറച്ചു നിന്നു. ഏറെ വാദപ്രതിവാദങ്ങള്ക്ക് ഒടുവിലാണ് സി പി ഐയുടെ പരാതി പരിശോധിക്കാന് ഉപസമിതിയെ നിയോഗിക്കാന് തീരുമാനമായത്.
മുന്നണി കണ്വീനര് വൈക്കം വിശ്വന്റെ അധ്യക്ഷതയിലുള്ള സമിതിയിലെ മറ്റംഗങ്ങള് സി പി ഐ അസിസ്റ്റന്ഡ് സെക്രട്ടറി കെ ഇ ഇസ്മയില്, കെ കൃഷ്ണന്കുട്ടി, പി ജെ ജോസഫ്, കെ പങ്കജാക്ഷന് എന്നിവരാണ്.
കയ്യേറ്റത്തിനെതിരെയുള്ള നടപടികള് തുടരാന് യോഗം തീരുമാനിച്ചു. ഇതു സംബന്ധിച്ച പരാതികള് മുന്നണി പരിശോധിക്കും.
(source:yahoo.malayalam)
15 മുതല് മോട്ടോര് പണിമുടക്ക്
ബുധന്, 6 ജൂണ് 2007
സംസ്ഥാനത്ത് 15 മുതല് അനിശ്ചിതകാല പണിമുടക്ക് നടത്താന് മോട്ടോര് തൊഴിലാളികളുടെ സംയുക്ത സമരസമിതി തീരുമാനിച്ചു. ഇന്ഷുറന്സ് പ്രീമിയം വര്ധിപ്പിച്ച നടപടിയില് പ്രതിഷേധിച്ചാണ് പണിമുടക്ക്. പാലക്കാട് മോട്ടോര് തൊഴിലാളി യൂണിയന് ഓഫീസില് നടന്ന യോഗത്തിലാണ് ഇതുസംബന്ധിച്ച് തീരുമാനമായത്.
മോട്ടോര് നയം പ്രഖ്യാപിക്കുക, യൂസേഴ്സ് ഫീ സമ്പ്രദായം അവസാനിപ്പിക്കുക, ഡിജിറ്റല് മീറ്റര് സ്ഥാപിക്കുന്നത് പിന്വലിക്കുക, മോട്ടോര് വാഹന നിയമം ഭേദഗതി ചെയ്യുക തുടങ്ങിയ ആവശ്യങ്ങളും യോഗം ഉന്നയിച്ചു.
(Source:yahoo.malayalam)
ഭൂമി വിവാദം: അമിതാഭ് നിയമനടപടിക്ക്
ചൊവ്വ, 5 ജൂണ് 2007
കൃഷിഭൂമി അന്യായമായി കരസ്ഥമാക്കിയതുമായി ബന്ധപ്പെട്ട കേസില് ഫൈസാബാദ് കോടതി വിധിക്കെതിരെ അമിതാഭ് ബച്ചന് അലഹബാദ് ഹൈക്കോടതിയെ സമീപിച്ചു. ഹൈക്കോടതിയുടെ ലക്നോ ബഞ്ചില് ഫയല് ചെയ്ത പരാതിയിന്മേല് വ്യാഴാഴ്ച വാദം കേള്ക്കും. തന്റെ പേരിലുള്ള ഭൂമി തിരിച്ചുപിടിക്കാനുള്ള ഫൈസാബാദ് കോടതിയുടെ ഉത്തരവ് ചോദ്യം ചെയ്താണ് അമിതാഭ് ഹൈക്കോടതിയെ സമീപിച്ചിട്ടുള്ളത്.
ഫൈസാബാദ് അഡീഷണല് കമ്മീഷണര് ഏകപക്ഷീയമാണ് തീരുമാനം കൈക്കൊണ്ടതെന്നും അമിതാഭിന് വിശദീകരണം നല്കാന് അവസരം നല്കിയില്ലെന്നും ഹര്ജിയില് ചൂണ്ടിക്കാട്ടിയിട്ടുണ്ട്. സാമാന്യ നീതി പോലും ബച്ചന് നിഷേധിക്കുകയായിരുന്നുവെന്ന് അദ്ദേഹത്തിന്റെ അഭിഭാഷകന് ഗൌരവ് ഭാട്ടിയ പറഞ്ഞു.
ഉത്തര്പ്രദേശില് കാര്ഷിക ആവശ്യത്തിനായുള്ള ഭൂമി സ്വന്തമാക്കണമെങ്കില് കര്ഷകനാണെന്ന് തെളിയിക്കണമെന്നാണ് വ്യവസ്ഥ. എന്നാല് ബച്ചന്റെ സുഹൃത്തായ സമാജ്വാദി പാര്ട്ടി നേതാവ് മുലായം സിംഗ് യാദവ് മുഖ്യമന്ത്രിയായിരിക്കെ വ്യവസ്ഥകള് ലംഘിച്ച് ഭൂമി നല്കുകയായിരുന്നു എന്നാണ് ആരോപണം.
ഉത്തര്പ്രദേശില് കര്ഷകര്ക്കുള്ള ഭൂമി സ്വന്തമായുള്ളതിന്റെ രേഖകള് കാട്ടി മഹാരാഷ്ട്രയിലെ ലോണാവാലയിലും ബച്ചന് കുടുംബം ഭൂമി സ്വന്തമാക്കിയിരുന്നു. ഇതു സംബന്ധിച്ച് അന്വേഷണം നടത്തുമെന്ന് മഹാരാഷ്ട്ര സര്ക്കാര് അറിയിച്ചിട്ടുണ്ട്.
(Source:yahoo.malayalam)
ഓണ്ലൈനില് പണം തട്ടിപ്പ്
ബാങ്ക് ഇടപാടുകള് ഇന്റര്നെറ്റിലൂടെ നടത്തുന്നവര് കരുതി ഇരിക്കുക. നിങ്ങള് വഞ്ചിക്കപ്പെടാനുള്ള സാധ്യതകള് കൂടുതലാണ്. ഫിഷിംഗ് എന്ന തന്ത്രം വഴി ഇമെയില് ഉപയോഗിച്ച് വിവിധ ഉപയോക്താക്കളുടെ അക്കൌണ്ടുകളില് നിന്നും ലോകത്തിന്റെ വിവിധ ഭാഗങ്ങളിലായി ഇതുവരെ ആറ് ബില്യണ് ഡോളര് കവര്ന്നതായാണ് കണക്കുകള്.
കഴിഞ്ഞ ഒക്ടോബറില് ഡല്ഹി സ്വദേശിയായ സുഖ്വീന്ദറിന്റെ അക്കൌണ്ടില് നിന്നും നഷ്ടമായത് 41,000 രൂപയാണ്. ബാങ്കില് നിന്നും വന്ന ഒരു ഇമെയില് പ്രകാരം തന്റെ ലോഗിന് ഐഡിയും പാസ്വേര്ഡും നല്കിയതാണ് സുഖ്വീന്ദറിന് വിനയായത്. പോലീസ് നടത്തിയ അന്വേഷണങ്ങളില് ബാങ്കിന്റെ പേരില് വന്ന ഇമെയില് വ്യാജമാണെന്ന് കണ്ടെത്തിയിരുന്നു.
യൂടിഐ ബാങ്കിന്റെ 30 ഉപഭോക്താക്കളില് നിന്നും 20 ലക്ഷം രൂപ കവര്ന്ന നാല് നൈജീരിയന് സ്വദേശികളെ ഡെല്ഹി പോലീസ് അറസ്റ്റ് ചെയ്തത് അടുത്ത കാലത്താണ്. 2006 ല് ഇത്തരത്തിലുള്ള 200 തട്ടിപ്പു കേസുകള് ഇന്ത്യയില് റിപ്പോര്ട്ട് ചെയ്തതായിട്ടാണ് സര്ക്കാര് കണക്കുകള്.
(Souce:yahoo.malayalam)
മുകേഷ് വീണ്ടും ഡ്രൈവിംഗ്സീറ്റില്
മലയാള സിനിമയുടെ ഡ്രൈവിംഗ് സീറ്റില് വീണ്ടും മുകേഷ്. ഹിറ്റ് ഫോര്മുല എന്ന് സിനിമക്കാര് വിശ്വസിക്കുന്ന ചട്ടക്കൂടുകളില് ഇന്ന് ഒന്നാമതാണ് മുകേഷിന്റെ സ്ഥാനം. മുകേഷിനെ ഉള്പ്പെടുത്തിയാല് സിനിമ ഹിറ്റാകും എന്നൊരു പ്രചാരണം വ്യാപകമായിരിക്കുന്നു. ഫലമോ? സൂപ്പര് സ്റ്റാര് ചിത്രങ്ങളില് ഉള്പ്പടെ മുകേഷിന്റെ സാന്നിധ്യമുറപ്പാക്കാന് നെട്ടോട്ടമോടുകയാണ് നിര്മ്മാതാക്കള്.
വിനോദയാത്രയുടെ വന് വിജയമാണ് മുകേഷിന് വീണ്ടും മാര്ക്കറ്റുണ്ടാക്കിയിരിക്കുന്നത്. അഭിനയ രംഗത്ത് 25 വര്ഷം പൂര്ത്തിയാക്കിയ മുകേഷ് തന്റെ ഏറ്റവും മികച്ച കരിയര് ഘട്ടത്തിലൂടെയാണ് ഇപ്പോള് കടന്നു പോകുന്നത്. കോമഡിക്കൊപ്പം അഭിനയപ്രാധാന്യമുള്ള നല്ല വേഷങ്ങളും അദ്ദേഹത്തെ തേടിയെത്തുന്നു.
വിനോദയാത്രയില് മുകേഷിനെ ഉള്പ്പെടുത്തിയത് സത്യന് അന്തിക്കാടിന്റെ ഏറ്റവും പുതിയ വിപണന തന്ത്രമാണ്. മുകേഷ് - ദിലീപ് രസതന്ത്രമാണ് ആ ചിത്രത്തിന്റെ വിജയത്തെ ഏറ്റവും അധികം സഹായിച്ചതും. ആദ്യപകുതിയില് ദിലീപിനെക്കാള് പ്രാധാന്യം മുകേഷിനാണെന്നത് ശ്രദ്ധിക്കുക.
കൈയ്യൊപ്പ്, കാക്കി തുടങ്ങിയ ചിത്രങ്ങളില് മുകേഷിന്റെ കഥാപാത്രങ്ങള് ഏറെ ശ്രദ്ധിക്കപ്പെട്ടു. കൈയ്യൊപ്പിലെ കിളിപ്പാട്ട് ശിവദാസന് അദ്ദേഹത്തിന്റെ ഏറ്റവും മികച്ച വേഷങ്ങളില് ഒന്നാണ്.
ഒരു ഇടവേളയ്ക്ക് ശേഷം വേണു നാഗവള്ളി സംവിധാനം ചെയ്യുന്ന സുഹൃത്ത് എന്ന ചിത്രത്തിലെ നായകന് മുകേഷാണ്. മാത്രമല്ല, വിശ്വോത്തര സംവിധായകന് അടൂര് ഗോപാലകൃഷ്ണന്റെ ‘മൂന്നു പെണ്ണുങ്ങളി’ലും പ്രധാന കഥാപാത്രം മുകേഷ് തന്നെ.
ഗോഡ്ഫാദറും, റാംജിറാവുവും, ഹരിഹര് നഗറുമൊക്കെ തകര്ത്തുവാരിയ ആ പഴയകാലം പുന:സൃഷ്ടിക്കാനൊരുങ്ങുകയാണ് മുകേഷ്.
(Source: yahoo.malayalam)
Monday, May 21, 2007
ലോകബാങ്ക് തലപ്പത്തേക്ക് ബ്ലെയറും
ബ്രിട്ടീഷ് പ്രസിഡന്റ് പദം ഒഴിയുന്ന ടോണി ബ്ലെയറിനെ കാത്തിരിക്കുന്നത് പുതിയ നിയോഗമോ? അഭ്യൂഹങ്ങളും റിപ്പോര്ട്ടുകളും സത്യമാവുകയാണെങ്കില് ലോകബാങ്കിന്റെ സാരഥ്യം എത്തുന്നത് ഇനി ബ്ലെയറിന്റെ കൈകളില് ആയിരിക്കാം. ലോകബാങ്ക് പ്രസിഡന്റ് പദവിക്കുവേണ്ട അടിസ്ഥാന യോഗ്യത അമേരിക്കന് താല്പര്യമാണെന്നതിനാല് ബ്ലെയറിന് നറുക്ക് വീഴാന് സാധ്യതയുള്ളതായി അഭ്യൂഹങ്ങള് പരന്നുകഴിഞ്ഞു.കാമുകിയുടെ വിവാദ സ്ഥാനക്കയറ്റത്തെ തുടര്ന്ന് സ്ഥാനം നഷ്ടമാകുന്ന നിലവിലെ പ്രസിഡന്റ് പോള് വോള്ഫോവിച്ചിന്റെ പിന്ഗാമിയെ കണ്ടെത്താന് ബുഷ് ഭരണകൂടം ശ്രമം ആരംഭിച്ചുകഴിഞ്ഞു. ഈ മാസം 30ന് വോള്ഫോവിച്ച് സ്ഥാനം ഒഴിയും. ബ്ലെയറിന്റെ പേരും പരിഗണനയിലുള്ളതായി പ്രമുഖ സാമ്പത്തിക ശാസ്ത്രജ്ഞനും നൊബേല് സമ്മാന ജേതാവുമായ ജോ സ്റ്റിഗ്ലിറ്റ്സ് പറയുന്നു.
(ഉറവിടം - വെബ്ദുനിയ)
Wednesday, May 16, 2007
പുതിയ ഹാന്ഡ് സെറ്റുകളുമായി നോക്കിയ
മൊബൈല് വിപണന രംഗത്ത് എതിരാളികള് ഉയര്ത്തുന്ന വെല്ലുവിളികള് മറികടക്കാന് വിലകുറഞ്ഞ ആധുനിക ഫോണുകളുമായി പ്രമുഖ കമ്പനിയായ നോക്കിയ രംഗത്ത്. ഇന്ത്യന് മൊബൈല് വിപണന രംഗത്ത് നിര്ണായക സ്വാധീനമുള്ള നോക്കിയയുടെ പുതിയ ഇനങ്ങളായ നോക്കിയ 2630 ലും നോക്കിയ 2670 ലും ബ്ലൂടൂത്ത്, ജി പി ആര് എസ്, വി ജി എ കാമറ, എഫ് എം, എം പി -3 എന്നീ സവിശേഷതകളെല്ലാം ലഭ്യമാണ്. പരമാവധി 5000 രൂപയാണ് ഈ ഹാന്ഡ് സെറ്റുകളുടെ വില. നോക്കിയ 2630 ല് വീഡിയോ റെക്കോര്ഡിംഗ് സൌകര്യം കൂടി ലഭ്യമാകും. ഫ്ലാഷ് ലൈറ്റും കളര് സ്ക്രീനുമുള്ള നോക്കിയ 1200, നോക്കിയ 1208 എന്നിവയാണ് മറ്റ് രണ്ട് പുതിയ മോഡലുകള്. 3000 രൂപയാണ് ഈ ഫോണുകളുടെ വില.
(ഉറവിടം - വെബ്ദുനിയ)
പ്രേക്ഷകര്ക്കൊരു വിനോദയാത്ര
ദിലീപ് അവതരിപ്പിക്കുന്ന വിനോദ് എന്ന നായക കഥാപാത്രം ഉത്തരവാദിത്ത ബോധമില്ലാത്ത തന്റെ ജീവിതത്തില് നിന്നും പക്വതയുള്ള ഒരു യുവാവിലേക്ക് നടത്തുന്ന യാത്രയാണിത്. അവന്റെ ജീവിതത്തിന് താങ്ങാകുന്ന കുറെ കഥാപാത്രങ്ങള്. ദിലീപിന് നായികയാവുന്നത് മീര ജാസ്മിനാണ്. മീരയുടെ മികച്ച കഥാപാത്രങ്ങളിലൊന്നാണ് ഈ ചിത്രത്തിലെ അനുപമ.സത്യന് അന്തിക്കാടിന്റെ മിക്ക ചിത്രങ്ങളിലെയും എന്ന പോലെ വിനോദയാത്രയിലെ നായകനും അഭ്യസ്തവിദ്യനായ തൊഴില് രഹിതനാണ്. വൈറ്റ്കോളര് ജോലി ഇല്ലെങ്കില് മറ്റൊരു ജോലിയും വേണ്ട എന്ന സ്വഭാവം. ‘ആത്മാഭിമാനമുള്ളവര്ക്ക് അവിടെ ജോലി ചെയ്യാനാവില്ല’ എന്നാണ് ഗള്ഫിലെ ജോലി വേണ്ടെന്നു വയ്ക്കുന്നതിന് കാരണമായി വിനോദ് പറയുന്നത്. വിനോദിന്റെ ഈ സ്വഭാവം മാറ്റിയെടുക്കാനായാണ് അച്ഛന് അവനെ മൂത്ത മകളുടെയും ഭര്ത്താവിന്റെയും അടുക്കലേക്ക് അയയ്ക്കുന്നത്.പുലിയെ പിടിക്കാന് വന്നവന് പുലിയെക്കാള് വലിയ ശല്യമായി മാറിയെന്ന് പറയുന്ന പോലെ വിനോദ് അളിയനായ ഷാജി രാഘവന് കൂടുതല് പ്രശ്നങ്ങള് സൃഷ്ടിക്കുകയാണ്.
മുകേഷാണ് ഷാജി എന്ന കഥാപാത്രമാകുന്നത്. മുകേഷിന്റെ ഭാര്യയായി സീതയും. മുകേഷിന്റെ സഹോദരിയായി പാര്വതി(നോട്ടുബുക്ക് ഫെയിം) അഭിനയിക്കുന്നു.നായികയായ അനുപമയെ വിനോദ് കണ്ടുമുട്ടുന്നത് യാദൃശ്ചികമായാണ്. റയില്വേസ്റ്റേഷനില് തുടങ്ങുന്ന അവരുടെ സീക്വന്സുകള് മനോഹരമായാണ് സത്യന് ചിത്രീകരിച്ചിരിക്കുന്നത്. അനുപമ വിനോദിനെ ജീവിതം എന്തെന്ന് പഠിപ്പിക്കുന്നു. പാകം വന്ന തിരക്കഥയാണ് ഈ സിനിമയുടേത്. മുഹൂര്ത്തങ്ങള് സൃഷ്ടിക്കുന്നതില് സത്യന് വിജയിച്ചിരിക്കുന്നു.എസ് കുമാറാണ് വിനോദയാത്രയുടെ ക്യാമറ. ലാളിത്യമുള്ള ഗാനങ്ങള്ക്ക് സംഗീതം നല്കിയിരിക്കുന്നത് ഇളയരാജയാണ്.എല്ലാ ഗുണങ്ങളുമുണ്ടെങ്കിലും ഒരു കുറവ് വിനോദയാത്രയുടെ തിളക്കത്തിന് മാറ്റുകുറച്ചു. അന്തിക്കാട് ചിത്രങ്ങളില് സ്ഥിര സാന്നിധ്യമായിരുന്ന ഒടുവില് ഉണ്ണികൃഷ്ണന് എന്ന മഹാനടന്റെ അഭാവം.
ജി സര്ക്കാര്
(ഉറവിടം - വെബ്ദുനിയ)
വ്യായാമം ശാസ്ത്രീയമായി
(ഉറവിടം - വെബ്ദുനിയ)
ലഹരികുറയ്ക്കൂ, കരളിനെ സ്നേഹിക്കൂ
(ഉറവിടം - വെബ്ദുനിയ)
കര്ഷകന് ഉണര്ത്തുപാട്ടായി പത്താമുദയം
ജി.കെ
(ഉറവിടം - വെബ്ദുനിയ)
ചെമ്മീന് ഫ്രൈ
ജെയ്സി ലൂയിസ്
(ഉറവിടം - വെബ്ദുനിയ)
ശിവകാമിയുടെ മരണം
‘ഞാനിപ്പോള് കഴിച്ച ബിയറില് ഞാന് തന്നെ വിഷം കലര്ത്തിയിരുന്നു, രണ്ട് മണിക്കൂറിനുള്ളില് ഞാന് മരിക്കും'.ശിവകാമി തമാശ പറയാറില്ലെന്നും ഇത്തരം കാര്യങ്ങള് ഇത്രമാത്രം ലാഘവത്തോടെ മാത്രമേ അവള് പറഞ്ഞിട്ടുള്ളൂ എന്നും രഘുവിന് അറിയാമായിരുന്നു. വാക്യങ്ങള് തയ്യാറാക്കുമ്പോള് അവള്ക്ക് തെറ്റാറില്ല എന്നറിയാമായിരുന്നിട്ടും രഘു വെറുതെ എന്തോ ഓര്ത്തു ഭയന്നു.‘നീയിപ്പോള് കുടിച്ച ബിയറില് ഞാന് വിഷം കലര്ത്തിയിരുന്നു, നീ രണ്ടു മണിക്കൂറിനുള്ളില് മരിക്കും' എന്നല്ല ശിവകാമി പറഞ്ഞതെന്ന് അവളുടെ വാചകം മനസ്സില് ഒന്നുകൂടി കേട്ട് അയാള് ഉറപ്പിച്ചു. നീയും ഞാനും തമ്മിലുള്ള അന്തരത്തെക്കുറിച്ച് അടുത്തയാഴ്ച ഒരു ലേഘനമെഴുതി സെല്വന്റെ ചെറുപത്രികയ്ക്ക് നല്കണം എന്ന് തീരുമാനിച്ചു.ഒരു ഞെട്ടല് ശിവകാമി പ്രതീക്ഷിച്ചിരുന്നില്ല. നഗരത്തില് അടുത്തിടെ ആരൊക്കെയോ ചേര്ന്നു രൂപീകരിച്ച ‘റൈറ്റേഴ്സ് കോര്ണര്' എന്ന എഴുത്തുസംഘത്തെക്കുറിച്ചാണ് അവള് അതുവരെ പറഞ്ഞുകൊണ്ടിരുത്. ഏറെക്കാലം പ്രസാധകരെ തിരക്കിയലഞ്ഞ തന്റെ പുസ്തകം അവര് പ്രസിദ്ധീകരിച്ചേക്കുമെന്ന് അവള് പറഞ്ഞിരുന്നു. അതിനിടയില് അത്ര നിസ്സാരമായി വന്ന ആ വാചകം ആരെയും ഒന്നമ്പരപ്പിക്കേണ്ടതാണ്. ആ അമ്പരപ്പ് പക്ഷേ തങ്ങള്ക്കിടയില് ഉണ്ടാകില്ല എന്ന് ശിവകാമിക്കും രഘുവിനും അറിയാമായിരുന്നു. പക്ഷേ, രഘു ഞെട്ടിയ ഞെട്ടല് അവന് പുറത്തുകാണിക്കാതിരുന്നത് ശിവകാമി അറിഞ്ഞില്ല. അത് അവള്ക്ക് അവനെക്കുറിച്ചുള്ള അമിതധാരണകളുടെ ഫലമായി സംഭവിച്ചതാണ്.കൃത്യം രണ്ടുമണിക്കൂറിനുശേഷം രഘു മരിച്ചു. മനുഷ്യശരീരത്തിന്റെ പ്രവര്ത്തനങ്ങളെക്കുറിച്ചുള്ള ശിവകാമിയുടെ അഗാധമായ അറിവില് അവന് സന്തോഷിച്ചു. ഒരിക്കല് ഇതുപോലെ അവന് അവളെ കൊന്നപ്പോള് ഒരുമണിക്കൂര് കൊണ്ട് അവള് മരിക്കുകയും അവന്റെ ധാരണയില്ലായ്മയില് ദുഃഖിക്കുകയും ചെയ്തിരുന്നു.
ലതീഷ്മോഹന്
(ഉറവിടം - വെബ്ദുനിയ)
അക്ക്വേഷ്യകള് പൂക്കുന്ന കാലം
വിനോദ് എസ് എസ്
(ഉറവിടം - വെബ്ദുനിയ)