അമിതവണ്ണം പലരുടെയും ഉറക്കം കെടുത്തുന്ന ഒരു സംഗതിയാണ്. മറ്റുള്ളവരുടെ പരിഹാസങ്ങള്‍ക്കൊപ്പം സ്വയം അപഹര്‍ഷതാ ബോധവും ഉണ്ടായി തുടങ്ങുന്നതോടെ തടി എങ്ങിനെ കുറയ്ക്കാം എന്നതിനെക്കുറിച്ചാകും പലരുടെയും ചിന്ത. ഇത് മുതലെടുക്കാനായി തട്ടിപ്പുകളുമായി പലരും രംഗത്തെത്താറുണ്ട്. പരസ്യങ്ങളിലൂടെയും മറ്റും ജനങ്ങളെ ആകര്‍ഷിച്ച് അമിതവണ്ണത്തിന് പരിഹാരം വാക്കുനല്‍കുന്നവര്‍ ഒരിക്കലും വിജയിക്കാറില്ലെന്നതാണ് പരമാര്‍ഥം. ഇത്തരം വാഗ്ദാനങ്ങളില്‍ കുടുങ്ങുന്നവര്‍ക്ക് പണം നഷ്‌ടമാകുകയാണ് പതിവ്.ലളിതമായ ചില മാര്‍ഗങ്ങളിലൂടെ തന്നെ അമിതവണ്ണം കുറയ്ക്കാനാകും.പരമാവധി നടക്കുകയാണ് തടി ചുരുക്കാനുള്ള ഏറ്റവും നല്ല മാര്‍ഗം. നടത്തത്തോളം നല്ലൊരു വ്യായാമം ഇല്ല. മധുര പലഹാരങ്ങള്‍, വറുത്ത പലഹാരങ്ങള്‍ എന്നിവ തടി വര്‍ധിപ്പിക്കാനിടയുള്ളതിനാല്‍ ഇവ പൂര്‍ണമായും ഒഴിവാക്കാന്‍ ശ്രമിക്കണം. ഉച്ച ഉറക്കവും നന്നല്ല. അഹാരങ്ങള്‍ സമയമെടുത്ത് ചവച്ചരച്ച് കഴിക്കാന്‍ ശീലിക്കുക. ആഹാരത്തിന് കൃത്യമായി സമയം നിശ്ചയിക്കാന്‍ കഴിഞ്ഞാല്‍ കൂടുതല്‍ നല്ലത്. അസമയങ്ങളിലുള്ള ഭക്ഷണം പൂര്‍ണമായും ഒഴിവാക്കണം. മുട്ടയുടെ മഞ്ഞക്കരു, നെയ്യ്, ഇറച്ചി എന്നിവ കഴിക്കാതിരിക്കുന്നത് തടി ഒഴിവാക്കാന്‍ സഹായിക്കും.
(Source: yahoo.malayalam)
No comments:
Post a Comment