ഹോളിവുഡ് സിനിമാലോകത്തെ രണ്ട് അതികായര്‍ ഒന്നിക്കുന്നു. സൂപ്പര്‍ സംവിധായകരായ സ്റ്റീവന്‍ സ്പില്‍ബര്‍ഗും പീറ്റര്‍ ജാക്സണുമാണ് ഒരു സിനിമയ്ക്കു വേണ്ടി ഒന്നിച്ചു പ്രവര്‍ത്തിക്കുന്നത്. സിനിമ എന്നു പറഞ്ഞാല്‍ സാധാരണ സിനിമയല്ല, ഒരു അനിമേഷന്‍ സിനിമ. ലോകപ്രശസ്തമായ കാര്‍ട്ടൂണ്‍ കഥാപാത്രം ‘ജൂനിയര്‍ റിപ്പോര്‍ട്ടര്‍‘ ടിന്‍‌ടിന്‍ ഇനി സിനിമാരൂപം പ്രാപിക്കുകയാണ്. സ്പില്‍ബര്‍ഗും പീറ്റര്‍ ജാക്സണും ചേര്‍ന്ന് സംവിധാനം നിര്‍വഹിക്കുന്നു. പീറ്റര്‍ ജാക്സന്‍റെ സ്പെഷ്യല്‍ ഇഫക്ട് ടീമായ വെറ്റാ ഡിജിറ്റലാണ് ടിന്‍‌ടിന്‍ യാഥാര്‍ത്ഥ്യമാക്കുന്നത്.
ഈ വര്‍ഷം അവസാനത്തോടെ ടിന്‍‌ടിന്‍ തിയേറ്ററുകളിലെത്തിക്കാനാണ് സ്പില്‍ബര്‍ഗിന്‍റെയും പീറ്റര്‍ ജാക്സന്‍റെയും പരിപാടി.ജുറാസിക് പാര്‍ക്ക്, ഇ ടി, സ്പീഡ് തുടങ്ങിയ ചിത്രങ്ങളിലൂടെ ലോകപ്രശസ്തനായ സംവിധായകനാണ് സ്പില്‍ബര്‍ഗ്. പീറ്റര്‍ജാക്സണ്‍ സംവിധാനം ചെയ്ത കിംഗ് കോംഗ്, ലോര്‍ഡ് ഓഫ് ദി റിംഗ്സ് തുടങ്ങിയ ചിത്രങ്ങള്‍ ഹോളിവുഡിലെ അത്ഭുതങ്ങളാണ്.
(Source: yahoo malayalam)
No comments:
Post a Comment