സ്റ്റേജിലായാലും പുറത്തായാലും ബ്രിട്‌നി സ്പീയേഴ്‌സ് തന്നെ താരം. അമേരിക്കയിലും അയര്‍ലണ്ടിലും കഴിഞ്ഞ വര്‍ഷം ഏറ്റവും കൂടുതല്‍ ആള്‍ക്കാര്‍ നെറ്റുമായി ബന്ധപ്പെട്ട് തിരഞ്ഞ പദങ്ങളില്‍ ഒന്ന് ബ്രിട്‌നിയുടെ പേരായായിരുന്നു. അതിനു പിന്നാലെ ഈ ആഴ്ചയും ബ്രിട്‌നിയുമായി ബന്ധപ്പെട്ട വാര്‍ത്ത കൊഴുക്കുകയാണ്. കുടുംബപരമായ പ്രശ്‌നങ്ങളും വിവാദങ്ങളും ഒഴിയാബാധയായി പിന്തുടരുന്ന ബ്രിട്‌നി പുതിയ പ്രശ്‌നത്തിലും പെട്ടു. തന്നെ പൊതിഞ്ഞ ഫോട്ടോഗ്രാഫര്‍മാരില്‍ ഒരാളുടെ പാദത്തില്‍ ബ്രിട്‌നി കാര്‍ കയറ്റുന്ന ദൃശ്യം നെറ്റില്‍ ഹിറ്റായി മാറിയിരിക്കുകയാണ്. എന്നിരുന്നാലും ഫോട്ടോഗ്രാഫര്‍ കാലില്‍ ഇട്ടിരുന്ന സോക്സ് മാത്രമേ വാഹനത്തിനടിയില്‍ പെട്ടുള്ളൂ എന്നതിനാല്‍ കാര്യമായ പരുക്കുണ്ടായില്ല.വ്യാഴാഴ്ച വൈകുന്നേരം അഞ്ചുമണിക്ക് ബെവര്‍ലി ഹില്‍‌സിനെ മെഡിക്കല്‍ ബില്‍ഡിംഗില്‍ നിന്നും പുറത്തേക്ക് ഡ്രൈവ് ചെയ്‌‌തു പോകുമ്പോഴായിരുന്നു സംഭവം. സെലിബ്രിറ്റി വെബ്സൈറ്റായ റ്റി എം ഇസഡ് ഡോട്ട് കോമിന്‍റെ ഫോട്ടോഗ്രാഫര്‍ക്കായിരുന്നു ദുരന്തം നേരിടേണ്ടി വന്നത്. തന്നെ ചുറ്റിയ ഫോട്ടൊ ഗ്രാഫര്‍മാരില്‍ നിന്നും രക്ഷപ്പെടാന്‍ ശ്രമിക്കുന്നിടെ ഫോട്ടൊ ഗ്രാഫറുടെ പാദത്തില്‍ വണ്ടി കയറുകയായിരുന്നു. ഹോളീവുഡ് ടി വി ഉടന്‍ തന്നെ ഈ സംഭവത്തിന്‍റെ വീഡിയോ പോസ്റ്റ് ചെയ്യുകയും ചെയ്‌‌തു.
തങ്ങള്‍ അയച്ച ഫോട്ടോ ഗ്രാഫറാണെന്ന കാര്യ ടി എം ഇസഡ് ഡോട്ട് കോമും സമ്മതിച്ചു. എന്നാല്‍ പരുക്കു കൂടാതെ രക്ഷപ്പെട്ടതിനാല്‍ ബ്രിട്‌നിക്കെതിരെ നിയമപരമായി നടപടി തേടാനുള്ള നീക്കത്തിനൊന്നും വെബ്സൈറ്റിനു പ്ലാനില്ല. കഴിഞ്ഞിടെ എം ടി വി അവാര്‍ഡ് ദാന ചടങ്ങില്‍ ബ്രിട്ട് നടത്തിയ നൃത്തം നെറ്റിലെങ്ങും ആഘോഷമായിരുന്നു.
(Source: weblokam)
No comments:
Post a Comment