ന്യൂഡല്‍ഹി: ആണവകരാറിനെച്ചൊല്ലി കേന്ദ്ര സര്‍ക്കാരും ഇടതുകക്ഷികളും തമ്മിലുള്ള ഭിന്നത തുടരുന്നതിനിടെ മൂന്നാം മുന്നണിക്ക് വീണ്ടും ജീവന്‍ നല്‍കാന്‍ സി പി എം ശ്രമം ആരംഭിച്ചു. ആണവകരാറിനോടുള്ള തങ്ങളുടെ നിലപാടിന് മൂന്നാം മുന്നണിയില്‍ നിന്നും കഴിയുന്നത്ര പിന്തുണ സമാഹരിക്കുകയാണ് സി പി എമ്മിന്‍റെ ലക്‌ഷ്യം. ഇതിന്‍റെ ഭാഗമായി സമാജ്‌വാദി പാര്‍ട്ടി നേതാവ് അമര്‍സിംഗുമായി സി പി എം ജനറല്‍ സെക്രട്ടറി പ്രകാശ് കാരാട്ട് ചൊവ്വാഴ്ച ചര്‍ച്ച നടത്തി.അമര്‍സിംഗിന്‍റെ ഡല്‍ഹിയിലുള്ള വസതിയില്‍ നടന്ന കൂടികാഴ്ചയില്‍ സമാജ്‌വാദി പാര്‍ട്ടി പ്രസിഡന്‍റ് മുലായം സിംഗ് യാദവും തെലുങ്കുദേശം പ്രസിഡന്‍റ് ചന്ദ്രബാബു നായിഡുവും പങ്കെടുത്തു.ആണവകരാര്‍ പ്രശ്നത്തില്‍ ഇടതു നയങ്ങളെ പിന്തുണച്ചിരുന്ന യു പി എ ഘടക കക്ഷികളായ എന്‍ സി പിയും ആര്‍ ജെ ഡിയും മലക്കം മറിഞ്ഞ സാഹചര്യത്തിലാണ് പുതിയ നീക്കം. യു എന്‍ പി എ എന്ന പേരില്‍ ഇപ്പോള്‍ അറിയപ്പെടുന്ന പഴയ മൂന്നാം മുന്നണിയിലെ പ്രമുഖ നേതാക്കളുമായി വരും നാളുകളില്‍ സി പി എം നേതൃത്വം കൂടുതല്‍ ചര്‍ച്ച നടത്തുമെന്നാണ് സൂചന.
(Source: Yahoo.Malayalam)
No comments:
Post a Comment